హైదరాబాద్‌: లాక్‌డౌన్‌ నిబంధనలు ఉల్లంఘించి హలీం విక్రయిస్తున్న ఇద్దరు వ్యక్తులపై కేసు నమోదైంది. నగరంలోని బంజారాహిల్స్‌ పోలీస్‌స్టేషన్‌ పరిధిలోని రోడ్‌ నెంబర్‌ 10, జహీరానగర్‌లో చౌరస్తాలో రోడ్డుపై హలీం అమ్ముతున్నారు. సమాచారం అందుకున్న పోలీసులు నిందితులను అదుపులోకి తీసుకుని కేసు నమోదు చేశారు. లాక్‌డౌన్‌ నిబంధనల ప్రకారం ప్రజలు గుమికూడే పనలు చేయకూడదని, ఎవరైనా హలీం, బట్టలు, వండిన పదార్థాలు అమ్మిన వారిపై కేసు నమోదు చేస్తామని పోలీసులు తెలిపారు. ఇంటి వద్దనే హలీం తయారు చేసుకోవాలని పోలీసులు విజ్ఞప్తి చేశారు.
